Blerta Rugova, bashkëshortja e deputetit Ukë Rugova dhe nuse e familjes Rugova, ka dalë publikisht në mbështetje të rizgjedhjes së Vjosa Osmanit për një mandat të dytë si presidente e Kosovës. Ajo publikoi në rrjetet sociale një fotomontazhë ku shfaqet duke mbajtur një karton të gjelbërt, simbol i miratimit dhe mbështetjes për vazhdimësinë e mandatit të Osmanit. Në postimin e saj në Facebook, Blerta Rugova theksoi nevojën që politika të tejkalojë interesat e ngushta dhe të mbështesë partneritetin me SHBA-të dhe integrimin euroatlantik të Kosovës. Ajo bëri thirrje për pjekuri, koordinim dhe vizion të përbashkët në institucionet e vendit, duke nënvizuar se Kosova nuk ka luks për përçarje apo heshtje strategjike.