Instituti i Kosovës për Drejtësi paralajmëron se moskonstituimi i Kuvendit po rrezikon seriozisht zbatimin e pesë hapave reformues në Fushën 2 të Planit të Rritjes së BE-së, me vlerë prej 31.3 milionë eurosh, që përbëjnë gati 19% të fondeve totale të parapara deri në fund të vitit 2026. Kjo fushë përfshin tranzicionin e gjelbër dhe digjital, duke përfshirë projekte si ankandi për 150 MW energji nga era, përafrimi me Aktin për Infrastrukturën Gigabit dhe miratimi i Ligjit për Rregullatorin e Energjisë, si dhe thjeshtimi i procedurave për energjitë e ripërtëritshme.