Deputeti i Aleancës, Burim Ramadani, ka akuzuar Qeverinë në detyrë për falimentimin e komunave të Kosovës, duke theksuar se ato përballen me pengesa të mëdha financiare dhe presion të paparë nga niveli qendror. Ai ka theksuar se veprimet e qeverisë janë në kundërshtim me Ligjin për Vetëqeverisjen Lokale dhe po dëmtojnë funksionimin e nivelit lokal. Ramadani ka kritikuar edhe moskonstituimin e Kuvendit, duke e cilësuar këtë si një bllokadë institucionale të re nga Vetëvendosje, që po pengon trajtimin e çështjeve të rëndësishme për komunat. Sipas tij, situata është përkeqësuar dhe bllokada është bërë shumë-shtresore, duke vënë në rrezik funksionimin e institucioneve lokale dhe shtetit në përgjithësi.