Analistja politike Donika Emini thekson se kriza institucionale në Kosovë nuk do të zgjidhet pa vullnet për kompromis mes partive politike. Ajo vlerëson se Lëvizja Vetëvendosje përfiton nga bllokada, duke ushtruar pushtet përmes Qeverisë në detyrë pa mbikëqyrjen e Kuvendit. Sipas Eminit, opozita është e dobët, e përçarë dhe pa strategji të përbashkët, gjë që e bën situatën edhe më të ndërlikuar. Vazhdueshmëria e krizës rrezikon kapjen graduale të shtetit, ndërsa përgjegjësia kryesore për zgjidhjen mbetet te partitë politike të Kosovës.