Deputeti i Lëvizjes Vetëvendosje, Artan Abrashi, ka deklaruar se partia e tij ka propozuar dy kandidatë për president dhe ka zhvilluar takime me opozitën, por procesi po mbetet i bllokuar për shkak të mungesës së bashkëpunimit nga ana e opozitës. Sipas Abrashit, vetëm Vetëvendosje po bën përpjekje serioze për tejkalimin e krizës politike, ndërsa partitë opozitare më shumë fokusohen në fitimin e narrativës në opinion publik sesa në gjetjen e një zgjidhjeje. Ai theksoi se vota e qytetarëve ka përcaktuar një renditje të qartë të forcave politike dhe se përgjegjësia për zgjedhjen e presidentit i takon të gjithëve, por deri tani nuk është arritur mirëkuptim për një kandidat konsensual, jo partiak. Abrashi u zotua se Vetëvendosje do të vazhdojë përpjekjet deri në minutat e fundit të ditës së martë për të zgjidhur këtë çështje.