Fondi i Republikës së Kosovës për Luginën e Preshevës është bllokuar dhe mjetet nuk po arrijnë në xhirollogarinë e Këshillit Kombëtar Shqiptar për shkak të pengesave nga autoritetet serbe. Pavarësisht përpjekjeve të Qeverisë së Kosovës dhe dërgimit të ndihmave për herë të dytë, miliona euro të destinuara për shqiptarët në Preshevë, Bujanoc dhe Medvegjë nuk janë ekzekutuar. Kryetarja e Komunës së Preshevës, Ardita Sinani, ka ngritur alarmin edhe tek faktorët ndërkombëtarë, duke theksuar mungesën e shpjegimeve nga ana e Serbisë për këtë bllokadë. Këshilltari politik për Luginën, Ragmi Mustafi, ka deklaruar se do të vazhdojnë përpjekjet për të dërguar ndihmat për të gjitha kategoritë, përfshirë arsimin, bujqësinë dhe organizatat joqeveritare.