Afatet kushtetuese për zgjedhjen e presidentit të ri në Kosovë po afron, por ende nuk ka marrëveshje mes partive politike. Kryeministri Albin Kurti deklaroi se po vazhdon komunikimin me partitë opozitare, por nuk ka rezultate konkrete, ndërsa kandidati i LVV-së, Glauk Konjufca, paralajmëroi se në mungesë të reflektimit nga opozita, vendi do të shkojë në zgjedhje. Opozita akuzon Kurtin se nuk dëshiron të gjejë zgjidhje dhe po përdor situatën për të çuar vendin drejt zgjedhjeve të parakohshme, ndërsa deputetë nga PDK dhe AAK theksojnë se LVV po tenton të imponojë zgjedhjen e presidentit pa një marrëveshje të vërtetë politike. Nëse nuk arrihet një marrëveshje brenda afatit kushtetues, zgjedhjet e reja do të jenë e vetmja rrugë për vendin.