Vjosa Osmani ka prezantuar Brikena Muharremin si anëtare të ekipit të saj, duke theksuar kontributin e jashtëzakonshëm të juristes shqiptare në shërbimin e Kosovës dhe komunitetit. Brikena Muharremi është avokatja e parë shqiptare e kualifikuar në Britaninë e Madhe dhe ka ushtruar profesionin e barrister-it për më shumë se dy dekada në një nga sistemet juridike më të avancuara në botë. Ajo është themeluese e Shoqatës së Avokatëve Shqiptaro-Britanikë dhe anëtare e Këshillit Koordinues të Diasporës, duke qenë një zë i fuqishëm i mërgatës shqiptare. Dekoruar me titullin “Ambasadore e Kombit”, Brikena sjell përvojën dhe përkushtimin e saj për të kontribuar në fuqizimin e profesionistëve shqiptarë dhe në shërbim të qytetarëve të Kosovës.