Zyra për Punë të Jashtme e Mbretërisë së Bashkuar ka përgëzuar raportin e shefit të Misionit të OSBE-së në Kosovë, Gerard McGurk, duke theksuar shqetësimin për ciklet e shpeshta zgjedhore dhe pasigurinë politike që rëndojnë institucionet e vendit. Britanikët bëjnë thirrje për bashkëpunim konstruktiv mes partive politike për të siguruar stabilitet institucional, rikthimin e besimit publik dhe avancimin e reformave prioritare. Ata mirëpresin rikthimin paqësor të kryetarëve serbë në komunat veriore dhe nxisin përqendrimin në qeverisjen praktike dhe bashkëpunimin me institucionet qendrore. Po ashtu, Mbretëria e Bashkuar shpreh shqetësim për mungesën e vazhdueshme të normalizimit mes Kosovës dhe Serbisë, duke kërkuar zbatimin e plotë të marrëveshjeve dhe ndëshkimin e përgjegjësve për sulmet ndaj Policisë së Kosovës dhe KFOR-it, si dhe thekson rëndësinë e punës së OSBE-së me komunitetet jo-shumicë për ndërtimin e besimit dhe stabilitetin afatgjatë.