Burim Ramadani, ish-inspektor i AKI-së dhe ekspert i sigurisë, ka paralajmëruar një riorganizim të mundshëm politik në Kosovë nëse partitë aktuale nuk reflektojnë dhe nuk reformohen. Ai e përshkruan situatën politike si një “dramë të vazhdueshme”, ku aktorët kryesorë politikë kontribuojnë në mbajtjen e tensioneve dhe paqëndrueshmërisë në vend. Ramadani thekson se një numër i madh qytetarësh, aktivistësh dhe të rinj janë të gatshëm të angazhohen për krijimin e një platforme të re politike që mund të formësohet në periudhën e ardhshme. Ai beson se kjo lëvizje e re popullore do të ndikojë në historinë politike të Kosovës duke lënë pas një pjesë të madhe të partive aktuale.