Eugen Cakolli nga Instituti Demokratik i Kosovës ka reaguar ashpër ndaj vendimit të kryetares së Kuvendit, Albulena Haxhiu, për të lejuar votimin për president pa praninë e së paku 80 deputetëve, duke e cilësuar këtë një shkelje të pastër kushtetuese. Ai thekson se vetë mbajtja e raundit të votimit pa kuorumin e nevojshëm përbën cenim të drejtpërdrejtë të rendit kushtetues dhe duhet të verifikohet përmes votimit për pjesëmarrje, siç ishte rasti në seancën e 5 marsit.