Analisti politik Blerim Canaj ka komentuar në emisionin “Click” të RTV21 situatën aktuale politike në Kosovë, duke theksuar se qeverisë i konvenon të vazhdojë të qeverisë pa president të zgjedhur dhe pa parlament funksional, pasi kontrollon buxhetin dhe institucionet kryesore. Ai thekson se prej 4 prillit Kosova ka një kryeministër në detyrë dhe një presidente ushtruese detyrën nga Lëvizja Vetëvendosje, duke pasur kështu kapur të gjitha institucionet, përfshirë edhe gjyqësorin, që sipas tij është në interes të Kurtit. Canaj shpreh dyshime për sovranitetin e Kosovës dhe kritikon bashkëpunimin indirekt mes Albin Kurtit dhe Aleksandar Vuçiqit, duke i akuzuar se po luajnë “filma” politikë dhe po përdorin situatën për përfitime elektorale, sidomos në prag të zgjedhjeve në Serbi dhe Kosovë. Ai gjithashtu përmend mundësinë që president i ri të jetë ose Albin Kurti ose Dejona Mihali, duke paralajmëruar se kjo çështje mund të shkaktojë krizë dhe të shtyhet për disa muaj, ndërsa politika e Kosovës do të varet nga dëshirat e këtyre dy figurave.