Ministri i Arsimit, Hajrullah Çeku, ka uruar të gjithë mësueset dhe mësuesit në Ditën e Mësuesit, duke theksuar rëndësinë e tyre si themel i një shoqërie të zhvilluar. Ai ka falënderuar mësuesit për përkushtimin, dijen dhe dashurinë me të cilën formësojnë brezat e rinj dhe të ardhmen e Kosovës. Çeku ka vlerësuar rolin e mësuesve jo vetëm në përcjelljen e njohurive, por edhe në kultivimin e vlerave, përgjegjësisë dhe qytetarisë. Në këtë ditë të veçantë, ministri ka shprehur mirënjohje për misionin fisnik dhe kontributin e pazëvendësueshëm të mësuesve në edukimin e fëmijëve dhe të rinjve.