Në kazermën “Skënderbeu” në Ferizaj u mbajt ceremonia e certifikimit të 36 rekrutëve nga komunitetet jo shumicë, përfshirë turq, ashkalinj, boshnjakë, romë dhe egjiptas. Këta rekrutë iu bashkuan Forcës së Sigurisë së Kosovës si ushtarë të rinj, pas përfundimit të trajnimit bazë ushtarak që i përgatiti për shërbim në FSK. Ceremonia u zhvillua në prani të udhëheqësve të Ministrisë së Mbrojtjes, Forcës së Sigurisë së Kosovës, familjarëve dhe mysafirëve të ftuar, duke shënuar një moment të rëndësishëm në rrugëtimin profesional të rekrutëve. Ky proces theksohet si një hap i rëndësishëm për forcimin e një force profesionale, gjithëpërfshirëse dhe shumëetnike në shërbim të qytetarëve të Kosovës.