Këshilli Prokurorial i Kosovës do të mbajë të hënën mbledhjen e tij të 298-të, ku kryesore do të jetë shqyrtimi i raportit final të Panelit Vlerësues për zgjedhjen e Kryeprokurorit të Shtetit. Mbledhja do të nisë në orën 10:00 dhe në rendin e ditës janë tri pika, përfshirë miratimin e rendit të ditës dhe diskutimin e raportit final. Ky raport konsiderohet një hap kyç në procesin e përzgjedhjes së Kryeprokurorit të ri, ndërsa pritet të shihet se cilat vendime do të marrë Këshilli pas shqyrtimit të tij. Për këtë pozitë konkurrojnë pesë kandidatë: Atdhe Dema, Naim Abazi, Rafet Halimi, Shqipdon Fazliu dhe Zejnullah Gashi.