Anëtarja e kryesisë së LDK-së, Jehona Lushaku – Sadriu, ka theksuar se çështjet lokale dhe ato qendrore janë të ndara dhe se gjithçka që LDK ka dashur të shprehë për bashkëqeverisjen me PDK-në në Prishtinë është përmbledhur në deklaratën zyrtare të partisë. Ajo ka nënvizuar se Përparim Rama, si kryetar i Prishtinës, ka kompetenca për të marrë vendime dhe për të dhënë përgjegjësi në nivel lokal. Lushaku ka shtuar se fokusin e mbledhjes së Kryesisë së LDK-së e zë bashkimi i së djathtës në nivel qendror, ndërsa koalicionet lokale, përfshirë edhe bashkëqeverisjen në Prishtinë, nuk janë prioritet. Ndërkohë, LDK ka mohuar ndonjë marrëveshje formale me PDK-në për bashkëqeverisje, megjithëse nënkryetarja e re e Prishtinës është nga radhët e PDK-së.