Ish-presidentja e Kosovës, Vjosa Osmani, nuk ka pranuar të komentojë arsyet e ndarjes së saj me bashkëthemeluesen e partisë “Guxo”, Donika Gërvallën. Ajo mori pjesë në konferencën “Gratë shqiptare në politikë” dhe tha se për pyetje të tilla do të flasë vetëm në intervista të organizuara. Vjosa Osmani, Donika Gërvalla dhe Faton Peci themeluan partinë “Guxo”, e cila u koalicionua me lëvizjen “Vetëvendosje!”, duke i mundësuar Osmanit të bëhej presidente dhe të largohej nga drejtimi i subjektit politik. Megjithatë, pas prishjes së marrëdhënieve mes Osmanit dhe liderit të “Vetëvendosje!”, Albin Kurti, edhe Gërvalla e Peci i kthyen shpinën Osmanit, duke thelluar ndarjen brenda partisë.