Avokati Ardian Bajraktari ka shprehur pritshmërinë që më 16 shtator të shpallet aktgjykimi për ish-krerët e UÇK-së në Hagë, duke parashikuar se ata do të shpallen të pafajshëm. Ai e ka cilësuar këtë proces si një nga më të rëndësishmit dhe më të mëdhenjtë gjyqësorë, me ndikim të thellë në të kaluarën, të tashmen dhe të ardhmen e Kosovës. Bajraktari thekson se ky vendim do të ketë një peshë të veçantë për historinë dhe lavdinë e popullit shqiptar, veçanërisht të Kosovës. Sipas tij, përfundimi i këtij procesi do të jetë një konfirmim i pafajësisë së ish-udhëheqësve të UÇK-së.