Presidenti i Serbisë, Aleksandar Vuçiq, shprehu shqetësim për Marshin për Liri të paralajmëruar në Prishtinë më 12 shtator, duke paralajmëruar mundësinë e dhunës nëse ish-krerët e UÇK-së nuk lirohen. Ai tha se do të presë deri më 16 shtator për të reaguar më tej dhe do të diskutojë çështjen edhe në Asamblenë e Përgjithshme të Kombeve të Bashkuara. Kundërpërgjigjen e dha nënkryetarja e PDK-së, Vlora Çitaku, e cila theksoi se frika e Vuçiqit dhe Serbisë nuk është vetë marshi, por verdikti që pritet në Hagë për ish-krerët e UÇK-së. Ajo theksoi se Serbia tmerron fakti që një popull i vogël ka arritur të fitojë pavarësinë dhe sovranitetin e Kosovës, duke e cilësuar luftën e UÇK-së si të drejtë dhe ndërhyrjen e NATO-s si një veprim për t’i dhënë fund katastrofës humanitare.