Vlora Çitaku, sekretarja e Përgjithshme e Partisë Demokratike të Kosovës, zhvilloi një takim me ministrin për Evropën të Francës, Benjamin Haddad, ku diskutuan për zhvillimet politike në Kosovë dhe rajon. Gjatë takimit, Çitaku falënderoi Francën për mbështetjen e saj të vazhdueshme ndaj Kosovës dhe kërkoi që kjo përkrahje të intensifikohet, sidomos në proceset integruese të vendit. Ajo theksoi nevojën që Franca të inkurajojë edhe shtetet e tjera anëtare të Bashkimit Evropian të përqendrohen më shumë te Kosova, duke theksuar ngecjet aktuale në rrugën drejt integrimit evropian. Në përfundim, të dy palët ranë dakord se e ardhmja e Kosovës dhe rajonit është në Bashkimin Evropian, duke theksuar rëndësinë e bashkëpunimit dhe mbështetjes ndërkombëtare.