Deputetja e PDK-së, Ariana Musliu-Shoshi, ka theksuar se data 16 shtator duhet ta gjejë Kosovën me institucione të konstituuara dhe funksionale, pasi atë ditë pritet të merret një vendim i rëndësishëm për të kaluarën, të tashmen dhe të ardhmen e vendit. Ajo ka paralajmëruar se nëse LVV-ja ka prioritet që Kosova të mos ketë institucione të konstituuara në këtë datë, kjo parti duhet të mbajë përgjegjësi të rëndë politike dhe historike. Musliu-Shoshi ka refuzuar pjesëmarrjen e PDK-së në takimin e ftuar nga kryeministri në detyrë Albin Kurti për çështjen e nënkryetarëve të Kuvendit, duke e cilësuar këtë si shantazh politik. Gjithashtu, ajo ka bërë thirrje për pjesëmarrje në marshin e 12 shtatorit në mbështetje të ish-krerëve të UÇK-së, duke shprehur shpresën që vendimi i Dhomave të Specializuara të jetë lirues.