Kandidati i Aleancës, Daut Haradinaj, po zhvillon një fushatë intensive në terren, duke mobilizuar fuqishëm strukturat e partisë në prag të ditëve vendimtare të zgjedhjeve. Ai po përcjell mesazhe uniteti, angazhimi maksimal dhe mobilizimi të plotë të anëtarësisë dhe simpatizantëve për të siguruar fitoren e numrit 128 dhe kandidatit për kryeministër, Ardian Gjini. Në tubimet e fundit në Gjakovë, Deçan dhe Junik, Haradinaj thekson rëndësinë e rënies së regjimit aktual dhe rikthimin e Kosovës në rrugën e zhvillimit dhe sigurisë. Ai shpreh besimin se me programin dhe njerëzit e Aleancës do të arrihet një realitet i ri ekonomik dhe politik për vendin.