Kandidati për deputet i AAK-së, Daut Haradinaj, ka deklaruar se situata politike në Kosovë mbetet e paqëndrueshme dhe nuk përjashton mundësinë e zgjedhjeve të reja deri në tetor të këtij viti. Ai thekson se ndryshimi nuk do të vijë nga një individ, por nga qytetarët që duhet t’i marrin besimin qeverisjes aktuale. Haradinaj ka kritikuar idenë e krijimit të xhandarmërisë, duke e konsideruar të panevojshme dhe me ngarkesë historike, dhe ka theksuar se siguria përfshin më shumë se aspektin ushtarak, duke përfshirë energjinë dhe zhvillimin ekonomik.