Deputeti i PDK-së, Eman Rrahmani, ngriti në Kuvend pyetje për ndarjen e 146,965 eurove nga buxheti i Kosovës për projektin “Brashko Prizrenca”, duke kërkuar sqarime për arsyet dhe mënyrën e realizimit të kësaj mbështetjeje financiare. Ai kërkoi të dijë pse kjo shumë është ndarë drejtpërdrejt nga Zyra e Kryeministrit dhe cilat janë qëllimet konkrete të projektit. Kryeministri Albin Kurti u përgjigj se kjo financim lidhet me një marrëveshje mes Ambasadës Norvegjeze dhe Zyrës së Kryeministrit, ku donacioni shkon për ndërtimin e një ferme për mbarështimin e deleve në nevojë të Manastirit të Graçanicës. Ai sqaroi se pagesa është bërë më 14 shkurt 2023 dhe se Zyra e Komuniteteve është përgjegjëse për zbatimin e projektit sipas planit të Ambasadës së Norvegjisë.