Veprimet e sekretarit amerikan të Shtetit, Marco Rubio, kundër Gjykatës Penale Ndërkombëtare (ICC) kanë rikthyer vëmendjen te institucionet e drejtësisë me seli në Hagë, përfshirë edhe Dhomat e Specializuara të Kosovës, të njohura si Gjykata Speciale. Ndërsa SHBA-ja ka vendosur sanksione ndaj disa zyrtarëve të ICC-së, përfshirë një gjyqtar që ka qenë më parë në Gjykatën Speciale, nuk ka ende sinjale se politika amerikane do të ndikojë drejtpërdrejt në këtë gjykatë të Kosovës. Gjykata Speciale dhe ICC-ja janë institucione të ndara me mandate dhe baza ligjore të ndryshme, ku e para trajton krimet e luftës në Kosovë gjatë viteve 1998-1999, ndërsa e dyta ka një mandat global për krime ndërkombëtare.