Sot, organizata “Kolektivi për mendim dhe veprim feminist” vendosi një baner në hyrje të presidencës së Kosovës me mbishkrimin “Jo në emrin tonë, ne jemi për çlirimin e Palestinës”, duke kundërshtuar vendimin e Kosovës për t’u bashkuar me Bordin e Paqes të themeluar nga SHBA-të. Eugen Cakolli nga KDI reagoi duke theksuar se solidariteti me vuajtjet e palestinezëve është i natyrshëm, por nuk duhet të shndërrohet politika e jashtme në një teatër me beteja ideologjike. Ai nënvizoi rëndësinë e ratifikimit të marrëveshjeve që avancojnë pozicionin ndërkombëtar të Kosovës, duke kujtuar se Kosova ka përfituar nga mbështetja perëndimore dhe sidomos nga SHBA-të. Cakolli theksoi se orientimi pro-perëndimor është një zgjedhje strategjike dhe racionale e shumicës së qytetarëve dhe kërkoi konsensus të plotë për avancimin e pozitës ndërkombëtare të Kosovës.