Bardhyl Hasanpapaj, kandidat për deputet dhe jurist i njohur, i është përgjigjur publicistit Veton Surroi lidhur me tetë pikat që lidhen me kushtetutshmërinë e dekretit të Presidentes Vjosa Osmani. Ai thekson se debati nuk duhet të fokusohet në efektin juridik të dekretit, por nëse Presidentja ka shkelur Kushtetutën, çka sipas tij Gjykata Kushtetuese nuk e ka konstatuar. Hasanpapaj argumenton se ekziston një dallim i qartë ndërmjet një akti pa efekt juridik dhe një akti që përbën shkelje kushtetuese, dhe se vendimi i Gjykatës nuk rrëzon arsyetimin kushtetues të Presidentes, por trajton rrethanat e jashtëzakonshme politike dhe institucionale që kanë ndodhur pas zgjedhjeve të parakohshme dhe vonesës së konstituimit të Kuvendit.