Deputetja e LDK-së, Janina Ymeri, ka kritikuar ashpër mënyrën e tregtimit të rrymës elektrike në Kosovë, duke theksuar se tregtimi “1 me 1” dhe tenderët jo publikë me negociata pa urgjencë duhet të ndalen njëherë e mirë. Ajo ka bërë të ditur se gjatë korrikut dhe gushtit, 95% e rrymës së tepricë nga KEK-u është shitur përmes Bursës ALPEX, duke arritur vlerën prej 10.2 milionë eurosh, një tregues që sipas saj tregon se kur ka kërkesë për llogaridhënie, gjërat ndryshojnë. Ymeri ka kërkuar më shumë transparencë dhe ndalimin e praktikave të tregtimit të mbyllur dhe tenderëve jo publikë, duke theksuar se kjo çështje nuk duhet të diskutohet më tej. Ky reagim vjen në një kohë kur debati për menaxhimin e energjisë dhe mënyrën e shitjes së saj është bërë temë qendrore në skenën politike dhe ekonomike të vendit.