Komuna e Deçanit organizon aktivitete përkujtimore me rastin e 5 dhe 6 Majit, Ditët e Dëshmorëve dhe Martirëve, për të nderuar sakrificën e atyre që dhanë jetën për lirinë dhe pavarësinë. Programi fillon në orën 09:00 me homazhe në Deçan dhe vijon me një seri homazhesh në 17 lokalitete të tjera të komunës, duke përfshirë Gllogjan, Irzniq, Prilep, Carrabreg i Ulët, Llukë e Epërme, Lëbushë, Strellc i Epërm dhe të tjera. Në orën 11:00 në Qendrën Rinore në Deçan mbahet një ekspozitë dhe program artistik i përgatitur nga nxënësit e Gjimnazit “Vëllezërit Frashëri” në nderim të dëshmorëve. Këto aktivitete janë pjesë e traditës vjetore të komunës për të ruajtur kujtesën dhe për të përkujtuar kontributin e dëshmorëve dhe martirëve në rrugën për liri.