Dega e Parë e Lidhjes Demokratike të Kosovës në Zvicër organizoi një takim për të analizuar rezultatet e zgjedhjeve të qershorit. Në këtë takim u shpreh mbështetje unanime për çdo vendim që do të marrë Kryesia Qendrore e LDK-së lidhur me hapat e ardhshëm politikë, me fokus në krijimin e institucioneve të qëndrueshme dhe në interes të Kosovës dhe qytetarëve të saj. Kryetari i Degës, Ramadush Emini, rikonfirmoi mbështetjen e plotë për lidershipin e LDK-së, në krye me Lumir Abdixhikun, duke theksuar se uniteti, përgjegjësia dhe vizioni janë rruga përpara. Deklarata e Degës nënvizon vendosmërinë dhe përkushtimin për të qëndruar të bashkuar dhe në shërbim të atdheut në këtë fazë të rëndësishme politike.