Organizata Demokraci Plus (D+) ka kërkuar anulimin e një tenderi prej 480 mijë eurosh nga Ministria e Mjedisit dhe Planifikimit Hapësinor (MMPH), i cili parashikon angazhimin e 20 ekspertëve me kontrata mbi vepër për dy vite me orar të plotë pune. Sipas D+, detyrat e ekspertëve përfshijnë punë administrative dhe koordinim institucional që nuk përbëjnë shërbime të veçanta profesionale, por janë pjesë e punës së përditshme të administratës. Organizata argumenton se përdorimi i këtyre kontratave për të mbuluar funksione të përhershme teknike-administrative shkel rregulloren e prokurimit publik dhe mund të zëvendësojë në mënyrë të padrejtë rekrutimin e rregullt në administratën publike. Demokraci Plus i bën thirrje MMPH-së të tërheqë këtë procedurë dhe të respektojë kornizën ligjore për angazhimin e personelit në shërbimin civil.