Para nisjes së Kuvendit të Jashtëzakonshëm të Lidhjes Demokratike të Kosovës, anëtarja e Kryesisë, Sibel Halimi, theksoi rëndësinë e zhvillimit të procesit në frymë demokratike, ku delegatët do të votojnë lirshëm dhe sipas bindjeve të tyre personale. Ajo mohoi kategorikisht çdo presion ndaj delegatëve për votim dhe shprehu besimin se kuvendi do të kalojë pa tensione apo eksese, duke theksuar se LDK-ja ka kultivuar vlera të forta demokratike gjatë 36 viteve të saj.