Deputetët e Partisë Demokratike të Kosovës dhe Aleancës u përpoqën të hynin në objektin e Qeverisë për të zhvilluar një takim në kuadër të një proteste lidhur me bllokimin e seancës konstituive të Kuvendit. Policia e Kosovës nuk i lejoi ata të hyjnë, duke kërkuar verifikim dhe duke mos pranuar hyrjen e tyre. Deputetja e PDK-së, Ganimete Musliu, reagoi ashpër duke iu referuar Ligjit Nr. 03/L-111 për të Drejtat dhe Përgjegjësitë e Deputetit, i cili garanton hyrje të lirë në institucionet publike për deputetët. Ajo theksoi se Policia duhet t’i nënshtrohet Kushtetutës dhe ligjit, jo urdhrave politikë, duke kërkuar respektimin e integritetit dhe profesionalizmit të këtij institucioni.