Para nisjes së seancës konstituive të Kuvendit të Kosovës, deputeti i Lëvizjes Vetëvendosje, Andin Hoti, uroi të gjithë deputetët, veçanërisht ata që për herë të parë do të marrin mandatin parlamentar. Ai theksoi rëndësinë që secili deputet ta lexojë me kujdes betimin që do të japë dhe të kuptojë përgjegjësitë që vijnë me këtë detyrë, përfshirë edhe formimin e institucioneve të reja si qeveria dhe presidenca. Hoti nënvizoi se ky moment kërkon seriozitet dhe përkushtim nga të gjithë anëtarët e Kuvendit. Kur u pyet nëse Albulena Haxhiu do të propozohet sërish për kryetare të Kuvendit, Hoti nuk dha informacion të qartë, duke thënë se nuk e dinte.