Deputeti algjerian Jusuf Axhise, i cili vizitoi Kosovën, u shpreh i befasuar nga bukuria dhe morali i lartë i popullit kosovar, si dhe nga paqja dhe siguria që vërejti në vend. Ai theksoi lidhjet e forta mes Algjerisë dhe Kosovës, sidomos për shkak të përvojave të përbashkëta gjatë luftës dhe masakrave. Pavarësisht se Algjeria ende nuk e ka njohur pavarësinë e Kosovës, Axhise premtoi se do të angazhohet si urë lidhëse dhe do të ushtrojë diplomaci parlamentare për të ndihmuar në procesin e njohjes. Gjatë vizitës, ai vuri në dukje edhe praninë e fuqishme të identitetit islam në Kosovë dhe shprehu shpresën që Kosova të bëhet pjesë e Organizatës së Bashkëpunimit Islamik.