Deputeti i PDK-së, Artan Behrami, ka nisur procedurat për të ftuar kryetaren e Dhomave të Specializuara në Hagë, Ekaterina Trandafilova, për të raportuar në Komisionin për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione të Kuvendit të Kosovës. Ky është një hap i parë i tillë nga një deputet për të kërkuar raportim nga Trandafilova në një komision të Kuvendit. Komisioni do të shqyrtojë dhe votojë këtë propozim në mbledhjen e tij të së hënës, ku do të trajtohen edhe çështje të tjera. Më parë, Trandafilova kishte pasur një bashkëbisedim me shoqërinë civile dhe media në Kosovë në nëntor 2023, i cili u shoqërua me protesta të organizuara nga PSD dhe OVL-UÇK, që eskaluan dhe penguan një konferencë për media të paralajmëruar më parë.