Deputeti i Lëvizjes Vetëvendosje, Driton Hyseni, ka shprehur optimizëm se zgjedhja e presidentit mund të realizohet brenda afatit kushtetues. Ai theksoi se të gjitha subjektet politike duhet të bëjnë përpjekje për të evituar zgjedhjet e parakohshme, të cilat nuk janë të dëshirueshme për askënd. Hyseni nënvizoi se takimet aktuale kanë për qëllim gjetjen e një gjuhe të përbashkët dhe daljen nga kriza politike që ka shoqëruar këtë proces gjatë javëve të fundit. Ai shtoi se ka ende kohë dhe do të shfrytëzohen të gjitha mundësitë për të arritur një zgjidhje të përbashkët për kreun e shtetit.