Deputeti shqiptar në Parlamentin e Serbisë, Shaip Kamberi, ka reaguar ashpër ndaj ministres për Pushtetin Lokal, Snezhana Paunoviq, pas deklaratës së saj ku shprehej se në vend të Slobodan Millosheviqit do të spastronte etnikisht Kosovën. Kamberi ka njoftuar se do të iniciojë kërkesë për shkarkimin e ministres dhe ka kërkuar reagim nga ambasadat ndërkombëtare në Beograd, duke theksuar se deklarata e Paunoviq shkel standardet demokratike dhe obligimet e Serbisë si vend kandidat për Bashkimin Evropian.