Pas miratimit me procedurë të përshpejtuar të projektligjit për huanë prej 302 milionë dollarësh nga SHBA për pajisje ushtarake, deputetëve iu dha një kopje e marrëveshjes për t’u njohur me përmbajtjen e saj para seancës së parashikuar. Dokumenti ishte i klasifikuar dhe kërkonte nënshkrimin e një deklarate konfidencialiteti nga deputetët para se ta lexonin. Partia Demokratike publikoi një video ku deputeti Agron Shehaj shihet duke hyrë në ambientin ku ishte vendosur dokumenti, duke marrë kopjen dhe duke u larguar me shpejtësi. Deri tani, Shehaj nuk ka dhënë asnjë reagim publik lidhur me këtë ngjarje dhe pretendimet që kanë dalë nga videoja.