Deputetja e Vetëvendosjes, Arjeta Fejza, iu bashkua thirrjeve për sanksionimin e deputetit të Listës Srpska, Igor Simiq, pas deklaratës së tij në Kuvend ku u shpreh “në emër të popullit serb”. Ajo i bëri thirrje Prokurorisë që të marrë masa dhe të trajtojë këtë rast, duke theksuar se deklarata sfidon rendin kushtetues të Republikës së Kosovës. Fejza theksoi se Kuvendi përfaqëson popullin e Kosovës dhe se një deklaratë e tillë është në kundërshtim me Kushtetutën. Kjo ngjarje ka nxitur reagime brenda skenës politike dhe kërkesa për hetim të menjëhershëm nga institucionet përkatëse.