Situata politike në Kosovë ka tërhequr vëmendjen e mediave ndërkombëtare, të cilat raportojnë për dështimin e zgjedhjes së presidentit të ri dhe shpërndarjen e Kuvendit. Kjo është hera e tretë brenda pak më shumë se një viti që mbahen zgjedhje të parakohshme, pasi parlamenti i përçarë nuk ka arritur të formojë qeverinë dhe të zgjedhë kryetarin e Kuvendit. Lëvizja Vetëvendosje fitoi zgjedhjet e fundit, por nuk arriti të sigurojë mbështetjen e opozitës për kandidatin e saj për president, ministrin e jashtëm Glauk Konjufca. Presidentja Vjosa Osmani nënshkroi dekretin për shpërndarjen e Kuvendit dhe po konsultohet me partitë për datën e zgjedhjeve të reja, ndërsa kryeministri Albin Kurti e ka cilësuar këtë dekret si jokushtetues dhe pret vendimin e Gjykatës Kushtetuese.