Dhoma e Tregtisë dhe Industrisë së Kosovës (DHTIK) ka shprehur mbështetjen e saj për marshin qytetar “Kosova po pret”, i organizuar nga platforma “Liria ka Emër”. Ky marsh do të mbahet më 12 shtator në Prishtinë dhe synon të përcjellë një mesazh të fortë për lirinë, drejtësinë dhe ruajtjen e vlerave themelore të shtetit të Kosovës. DHTIK ka ftuar të gjitha bizneset anëtare, punonjësit dhe bashkëpunëtorët që t’i bashkohen këtij aktiviteti për të treguar përkrahjen e tyre ndaj këtyre idealeve. Organizatorët dhe mbështetësit besojnë se Kosova duhet të ecë përpara me dinjitet dhe respekt për sakrificën e atyre që luftuan për lirinë e saj.