Dhoma Ekonomike e Grave të Kosovës (G7) i ka bërë thirrje partive politike që të arrijnë një marrëveshje për çështjen e presidentit dhe të shmangin zgjedhjet e reja, duke theksuar se kjo situatë po dëmton rëndë ekonominë e vendit. G7 thekson nevojën për stabilitet institucional dhe ekonomik, pasi paqëndrueshmëria po ndikon negativisht në bizneset vendore, veçanërisht në ndërmarrjet mikro, të vogla dhe të mesme, përfshirë bizneset në pronësi të grave dhe ato familjare. Këto biznese janë më të cenueshme për shkak të rezervave të kufizuara financiare dhe rritjes së kostove operative si pasojë e çmimeve të larta të energjisë dhe pasigurisë në treg. Organizata bën thirrje për dialog dhe bashkëpunim ndërmjet partive politike për të siguruar funksionimin normal të institucioneve dhe për të vendosur interesin ekonomik dhe mirëqenien e qytetarëve mbi dallimet politike.