Ish-presidentja e Kosovës, Vjosa Osmani, ka theksuar rëndësinë e Ditës Ndërkombëtare për Eliminimin e Dhunës Seksuale gjatë Luftës, duke përkujtuar viktimat dhe mbijetuarit e dhunës seksuale të kryer nga Serbia gjenocidale. Ajo e ka cilësuar këtë dhunë si një sulm të drejtpërdrejtë ndaj dinjitetit njerëzor dhe një nga krimet më të rënda të luftës, që ka prekur mijëra gra dhe burra. Osmani ka nënvizuar se kujtesa, drejtësia dhe mbështetja për të mbijetuarit janë detyrime të përhershme dhe se gjatë pesë viteve të saj në Presidencë është përpjekur që zëri i tyre të dëgjohet në mbarë botën. Ajo ka theksuar se e vërteta nuk do të harrohet kurrë dhe përpjekjet për drejtësi do të vazhdojnë pa ndërprerje.