Ambasadori i Kosovës në Bruksel dhe NATO, Agron Bajrami, zhvilloi një takim me përfaqësues të vendeve aleate të NATO-s, ku prezantoi perspektivën e Kosovës lidhur me dialogun me Serbinë dhe integrimin euro-atlantik. Në këtë takim morën pjesë edhe ambasadorë dhe përfaqësues nga Shqipëria, Bullgaria, Kroacia, Mali i Zi, Sllovenia dhe Maqedonia e Veriut. Bajrami theksoi rëndësinë e forcimit të bashkëpunimit me partnerët ndërkombëtarë dhe avancimin e agjendës euro-atlantike të Kosovës. Ai vlerësoi mbështetjen e vazhdueshme të vendeve aleate dhe e konsideroi takimin si një mundësi të mirë për të prezantuar qëndrimet dhe prioritetet e Kosovës në kontekstin rajonal dhe dialogun me Serbinë.