Takimi mes kryeministrit të Kosovës, Albin Kurti, dhe presidentit serb, Aleksandër Vuçiq, nuk u zhvillua në Bruksel për shkak të zgjedhjeve të shpeshta në Kosovë, sipas Bashkimit Evropian. Megjithatë, njohës të politikës dhe diplomacisë theksojnë se vazhdimi i dialogut duhet të jetë prioritet kryesor për qeverinë e re, pavarësisht përbërjes së saj. Sipas ekspertëve, vonesat në këtë proces po e dëmtojnë Kosovën, duke i dhënë Serbisë mundësi të argumentojë se çështja e Kosovës mbetet e pambyllur dhe se sovraniteti i saj është i kontestuar. Për më tepër, arritja e një marrëveshjeje përfundimtare është e domosdoshme për avancimin e Kosovës drejt anëtarësimit në Bashkimin Evropian dhe për stabilitetin rajonal.