Komisioni Qendror i Zgjedhjeve ka vendosur që regjistrimi i votuesve nga diaspora për zgjedhjet parlamentare të 7 qershorit 2026 të zgjasë 12 ditë, nga 6 deri më 17 maj. Votimi përmes postës do të zhvillohet nga 25 maj deri më 6 qershor, ndërsa votimi në përfaqësi diplomatike do të mbahet më 6 qershor nga ora 07:00 deri në 19:00. Brenda vendit, periudha për kundërshtimin dhe korrigjimin e listës së votuesve do të jetë nga 6 deri më 18 maj. Gjithashtu, KQZ miratoi planin e buxhetit për organizimin e zgjedhjeve, që kap vlerën mbi 10.8 milionë euro, dhe përcaktoi periudhën zyrtare të fushatës zgjedhore që do të zgjasë 10 ditë e 7 orë, duke filluar më 28 maj dhe përfunduar më 7 qershor në orën 06:59.