Zëvendësministri i Drejtësisë së Kosovës, Genc Nimoni, mori pjesë në takimin e Zyrtarëve të Lartë të BE-së dhe Ballkanit Perëndimor për Drejtësi dhe Punë të Brendshme, ku u diskutuan prioritetet e BE-së për sundimin e ligjit dhe forcimin e sistemit të drejtësisë. Theksi u vu në rëndësinë e digjitalizimit për përmirësimin e qasjes në drejtësi dhe rritjen e besimit të qytetarëve, si dhe në potencialin e përdorimit të Inteligjencës Artificiale për efikasitet më të madh. U trajtuan edhe rreziqet që lidhen me këto teknologji, të cilat kërkojnë ndryshime ligjore dhe trajnime të specializuara. Gjithashtu, u theksua rëndësia e zhvillimit të zgjedhjeve gjithëpërfshirëse dhe të besueshme, si dhe roli kyç i shoqërisë civile në forcimin e demokracisë dhe hapësirës qytetare.