Vazhdimi i seancës konstituive të Kuvendit të Kosovës, i planifikuar për nesër, ka nxitur debate të forta mes ekspertëve për interpretimin e afateve kushtetuese dhe zbatimin e aktgjykimit të Gjykatës Kushtetuese. Profesori Flamur Hyseni thekson se neni 66 i Kushtetutës nuk përcakton afate të rrepta për përfundimin e seancës dhe se aktgjykimi i vitit të kaluar, që vendos afatin 30-ditor, lidhet me një rast specifik dhe nuk mund të aplikohet automatikisht në situatën aktuale. Ndërkaq, eksperti Artan Alija argumenton se afati 30-ditor duhet respektuar dhe se moszbatimi i tij mund të çojë në krizë kushtetuese, duke sugjeruar se partitë opozitare mund të kërkojnë ndërhyrjen e Gjykatës Kushtetuese në rast paqartësish. Analistja Fatime Hajdari vëren se mungesa e përcaktimit të pasojave në aktgjykimin e vitit të kaluar e bën të diskutueshëm zbatimin e tij në situata të ndryshme, por përshëndet thirrjen e seancës së nesërme dhe thekson se ekzistojnë 62 vota për konstituimin e Kuvendit dhe përfundimin e bllokadës politike.