Ish-presidentja e Kosovës, Vjosa Osmani, ka deklaruar se në Shtetet e Bashkuara dhe vende të tjera perëndimore janë zhvilluar diskutime për vendosjen e sanksioneve ndaj anëtarëve të Qeverisë Kurti. Ajo theksoi se këto diskutime kanë qenë të pranishme edhe gjatë dy muajve të fundit të mandatit të saj, por nuk përmendi emra konkretë. Osmani mbrojti veprimet e Qeverisë, duke theksuar se ato ishin legjitime dhe në përputhje me Kushtetutën, por se mungonte koordinimi në mënyrën e zbatimit të tyre. Ajo paralajmëroi se sanksionet nuk do të godisnin vetëm individët, por do të kishin pasoja për të gjithë Kosovën, ndaj ka insistuar që ato të mos ndodhnin.